تہران:ایران میں حکومت مخالف مظاہروں میں اب تک 45 افراد ہلاک ہو چکے ہیں۔ مظاہروں کا سلسلہ 28 دسمبر سے جاری ہے اور یہ ملک کے 27 صوبوں تک پھیل چکا ہے۔ مظاہرین بنیادی طور پر ملک میں بڑھتی مہنگائی اور کرنسی کی گراوٹ کے خلاف سڑکوں پر نکلے ہیں۔
حکام نے ملک بھر میں انٹرنیٹ سروس معطل کر دی ہے تاکہ مظاہروں کی خبریں پھیلنے سے روکی جا سکیں۔ امریکی صدر نے ایران کو واضح انتباہ جاری کیا ہے کہ مظاہرین کے قتل یا تشدد کی صورت میں امریکا سخت ردعمل دے گا۔ دنیا بھر کے مشاہدین ایران میں بڑھتے ہوئے احتجاج اور اس کے نتائج پر گہری نظر رکھے ہوئے ہیں۔
