دبئی: متحدہ عرب امارات نے فیڈرل ڈیکری لا نمبر 6، 2025 کے تحت ڈیجیٹل درہم کو قانونی کرنسی کے طور پر نافذ کر دیا ہے، جو نوٹ، سکے اور ڈیجیٹل فارمز میں لین دین کے لیے قابل قبول ہوگا۔
سینٹرل بینک آف یو اے ای کے مطابق یہ نظام فوری سیٹلمنٹ، پروگرام ایبل پیمنٹس اور بین الاقوامی ٹرانزیکشنز کی سہولت فراہم کرے گا۔ قانونی خلاف ورزی یا مداخلت پر ایک ارب درہم تک جرمانے کی بھی گنجائش رکھی گئی ہے، تاکہ ڈیجیٹل کرنسی کے استعمال کو قانونی تحفظ اور استحکام حاصل ہو۔
