ڈھاکہ: بنگلہ دیش میں کھلاڑیوں کے احتجاج کے بعد بنگلہ دیش کرکٹ بورڈ نے اپنے ڈائریکٹر نظم الاسلام کو عہدے سے ہٹا دیا۔ یہ اقدام ان کے متنازع بیان کے ردعمل میں کیا گیا، جس میں انہوں نے کھلاڑیوں کی مالی مفادات پر سوال اٹھایا تھا۔
بیان کے مطابق بورڈ کو ورلڈ کپ میں کوئی مالی نقصان نہیں ہوتا، اور بھارت میں ٹی ٹوئنٹی ورلڈ کپ میں نہ جانے پر کھلاڑی اپنی میچ فیس سے محروم رہیں گے۔ کھلاڑیوں نے سخت ردعمل ظاہر کیا اور BPL کے میچز کا بائیکاٹ کر دیا، جبکہ بنگلہ دیش پلیئرز ایسوسی ایشن نے بھی مطالبات پورے ہونے تک کھیل سے انکار کر دیا۔
بورڈ نے نظم الاسلام کی برطرفی کا اعلان کرتے ہوئے کہا کہ ان کا بیان غیر مناسب تھا۔ تجزیہ کاروں کا کہنا ہے کہ کھلاڑیوں کے احتجاج نے بورڈ پر فوری دباؤ ڈال دیا، اور اب BPL کی سرگرمیاں جلد معمول پر آنے کا امکان ہے۔
