ممبئی/نیویارک: مودی انتظامیہ کے معاشی دعوؤں کے برعکس بھارت کو عالمی سطح پر شدید پسپائی کا سامنا ہے۔ عالمی معاشی جریدے بلومبرگ نے تصدیق کی ہے کہ سرمایہ کاروں کے عدم اعتماد کے باعث بھارتی مارکیٹ سے غیر ملکی فنڈز تیزی سے نکل رہے ہیں، جس کی وجہ سے بھارتی اسٹاک ایکسچینج شدید دباؤ کا شکار ہے۔
گزشتہ تین سالوں میں پہلی بار تائیوان اور جنوبی کوریا نے معاشی میدان میں بھارت کو پچھاڑ دیا ہے۔ بھارت کی پریمیم کمپنیوں میں غیر ملکی سرمایہ کاری کا گراف 20 فیصد سے گر کر 15 فیصد پر آ گیا ہے، جسے مبصرین مودی سرکار کی داخلی اور معاشی پالیسیوں کی بدترین ناکامی قرار دے رہے ہیں۔
