ڈارون ٹیسٹ میں آسٹریلیا کو بڑا اپ سیٹ، بنگلہ دیش کی تاریخی فتح

ڈارون :ڈارون میں کھیلے گئے پہلے ٹیسٹ میں بنگلہ دیش نے میزبان آسٹریلیا کو 9 وکٹوں سے شکست دے کر آسٹریلوی سرزمین پر اپنی پہلی ٹیسٹ فتح حاصل کرلی۔

آسٹریلیا نے پہلی اننگز میں 198 رنز بنائے، جس کے جواب میں بنگلہ دیش نے 426 رنز بنا کر 228 رنز کی برتری حاصل کی۔ دوسری اننگز میں آسٹریلوی ٹیم 284 رنز پر آؤٹ ہوئی اور بنگلہ دیش کو جیت کے لیے 57 رنز کا ہدف ملا۔

بنگال ٹائیگرز نے مطلوبہ ہدف صرف ایک وکٹ کے نقصان پر حاصل کرلیا۔ آسٹریلیا کی جانب سے کیمرون گرین نے 104 رنز کی شاندار اننگز کھیلی، تاہم ان کی سنچری بھی ٹیم کو شکست سے نہ بچا سکی۔

بنگلہ دیش کے حسن محمود نے میچ میں 9 وکٹیں حاصل کرکے فتح میں اہم کردار ادا کیا، جبکہ مہدی حسن میراز نے بھی دوسری اننگز میں 5 وکٹیں حاصل کیں۔