اسلام آباد: نائب وزیراعظم و وزیر خارجہ اسحاق ڈار نے کہا ہے کہ پاکستان اقتصادی تعاون تنظیم (ای سی او) کے چارٹر، اصولوں اور وژن کے فروغ کے لیے پُرعزم ہے اور بانی رکن کی حیثیت سے علاقائی تعاون کو خصوصی اہمیت دیتا ہے۔
ای سی او وزرائے خارجہ کونسل کے 30ویں اجلاس سے خطاب کرتے ہوئے اسحاق ڈار کا کہنا تھا کہ علاقائی تعاون خطے میں خوشحالی، امن اور استحکام کے فروغ میں اہم کردار ادا کرتا ہے۔
انہوں نے کہا کہ پاکستان ای سی او کی صدارت کے دوران اپنی مدت کو بامقصد، نتیجہ خیز اور رکن ممالک کے لیے مفید بنانے کے لیے پُرعزم ہے۔




