واشنگٹن :سابق امریکی صدر ڈونلڈ ٹرمپ نے بھارت کو خبردار کرتے ہوئے کہا ہے کہ روس سے سستا تیل خرید کر منافع کمانے پر بھارت پر اضافی ٹیرف عائد کیا جائے گا۔
ٹرمپ نے سوشل میڈیا پر اپنے بیان میں کہا کہ بھارت روسی تیل کی کھپت سے فائدہ اٹھا رہا ہے، جبکہ روس کی جنگی کارروائیاں یوکرین میں تباہی پھیلا رہی ہیں۔ اُن کے بقول، بھارت کو اس صورتِ حال کی کوئی پرواہ نہیں۔
سابق امریکی صدر کا کہنا تھا کہ بھارت کی اس پالیسی پر مزید خاموش نہیں رہا جا سکتا، اسی لیے اب ٹیرف میں مزید اضافہ کیا جائے گا تاکہ اسے روکا جا سکے۔
سیاسی مبصرین کے مطابق اگر ٹرمپ دوبارہ صدر منتخب ہوئے تو بھارت کے ساتھ معاشی تعلقات نئی سمت اختیار کر سکتے ہیں۔
