امریکہ میں پناہ کے طلبگار افغانیوں کی گرفتاریوں میں اضافہ رپورٹ ہوا ہے، جس میں خاص طور پر وہ افراد شامل ہیں جو عدالتوں میں سماعت کے منتظر تھے۔ دی گارڈین کے مطابق، یہ کارروائیاں صرف چیک اِن مراکز تک محدود نہیں رہیں بلکہ بعض افراد کو ان کی رہائش گاہ یا کمیونٹی سے بھی حراست میں لیا گیا۔
شمالی کیلی فورنیا میں متعدد کیسز سامنے آئے ہیں، جبکہ انڈیانا میں ایک افغان شہری کو کلاس سے واپسی پر نامعلوم گاڑی نے روک کر حراست میں لے لیا۔ نیویارک میں ایک افغان پناہ گزین کو آئی سی ای کے دفتر میں رپورٹ کرنے کے دوران گرفتار کیا گیا۔ انسانی حقوق کی تنظیمیں اس صورتحال پر تشویش کا اظہار کر رہی ہیں اور پناہ گزینوں کے تحفظ کے لیے اقدامات کا مطالبہ کر رہی ہیں۔
