ورلڈکپ فاتح کے لیے انعامات میں اضافہ، پہلی بار چیمپئن رنگز متعارف

میکسیکو: فیفا نے ورلڈکپ کی تاریخ میں پہلی بار فاتح ٹیم کے لیے خصوصی چیمپئن رنگز متعارف کرانے کا اعلان کر دیا ہے۔

فیفا کے مطابق فائنل جیتنے والی ٹیم کے لیے 30 خصوصی رنگز تیار کی جائیں گی، جن پر ورلڈکپ ٹرافی کا ڈیزائن اور کامیابی کی یادگار تفصیلات کندہ کی جائیں گی۔ اس کے علاوہ یادگاری رنگز شائقین کے لیے بھی دستیاب ہوں گی۔

چیمپئن رنگز کی روایت امریکی کھیلوں میں پہلے سے موجود ہے، جہاں بڑے ٹورنامنٹس کے فاتحین کو ایسی رنگز دی جاتی ہیں۔ اب فیفا نے بھی اس روایت کو عالمی فٹبال کے سب سے بڑے مقابلے کا حصہ بنانے کا فیصلہ کیا ہے۔

دوسری جانب امریکی صدر ڈونلڈ ٹرمپ ورلڈکپ فائنل میں شرکت کریں گے اور فاتح ٹیم کو ٹرافی پیش کریں گے۔ ٹورنامنٹ کے دوران یہ ان کی پہلی اسٹیڈیم حاضری ہوگی۔

فائنل میں ارجنٹینا اور اسپین کے درمیان مقابلہ ہوگا، جہاں جیتنے والی ٹیم نہ صرف عالمی چیمپئن بنے گی بلکہ نئی روایت کے تحت خصوصی اعزاز بھی حاصل کرے گی۔