واشنگٹن: امریکی صدرڈونلڈ ٹرمپ نے اعلان کیا ہے کہ روس اور یوکرین کے درمیان 9 سے 11 مئی تک تین روزہ مکمل جنگ بندی نافذ رہے گی۔
ان کے مطابق اس دوران تمام عسکری کارروائیاں بند رہیں گی جبکہ دونوں ممالک ایک ہزار، ایک ہزار قیدیوں کا تبادلہ بھی کریں گے۔ انہوں نے کہا کہ جنگ بندی کی تجویز ان کی جانب سے پیش کی گئی تھی۔
امریکی صدر نے بتایا کہ روس کے صدر اور یوکرین کے صدر نے اس عارضی سیز فائر پر رضامندی ظاہر کی ہے، جو طویل جنگ کے خاتمے کی طرف ایک اہم پیش رفت ہو سکتی ہے۔
